وصفت الفنانة المعتزلة شهيرة، في أخر تصريحات لها الشهر قبل الماضي، أن مرض زوجها الفنان الراحل محمود ياسين لم يكن له علاج.
وأعادت وسائل الإعلام المصرية نشر لقاء تلفزيوني لشهيرة قالت فيه: “الحالة مش بتتحسن، ربنا موجود مش عارفة هنعمل إيه، الواحد بيقول يا رب تعدي الأزمة، الموضوع إنه ملوش علاج، ربنا يرفع عنه ويشفيه”.
وقالت شهيرة، إن حالتة كانت غير مستقرة، فحين تكون جيدة وحين اخر تكون سيئة للغاية، مضيفة أن ” اولادي يقولوا لي يا مامي ما إحنا عارفين تطورات الموضوع، عشان أنا ملزماه باستمرار أي تفصيلة ولو صغيرة بتأثر معايا، أنا بس بتمنى من ربنا الحالة متدهورش، لو حتى هتثبت على كده أنا راضية، يعني حتى هقول الحمد لله حسه في الدنيا”.
وأضافت أن: “محدش بيدخل عندي نهائي من 5 أشهر، عمرو قالي أنا عايز أشوف أبويا قولتله أنت مخالط، قال ما إحنا لازم نعيش الحياة وموضوع كورونا مطول وناخد بالإجراءات الاحترازية، قولتله أوك مقولتش حاجة بس من بعيد، بخليهم شوفوه وهما لابسين الكمامة من بعيد أوي أوي، رانيا سمحت لها إمبارح تشوفه من بعيد، يعني كانت هي في الجنينة وإحنا في الليفينج جوا”.
وأوضحت شهيرة، أنني قمت بسؤاله عن رجاء الجداوي عندما تم ظهورها علي شاشة التلفاز، فسألته عل تعرفها ؟ مجيبا أنها رجاء الجداوي ففرحت جدا، وقمت بالاتصال بها فسعدت وبكت”.